Header image
Text background bars
log

SAKK:n koltan kielen linja vaikeuksissa

Tän teeʹkst lie ǩeeʹrjtam Erkki Gauriloff da Sara Wesslin Yle sääʹmođđâz vääras.

Sääʹmǩiõl da -kulttuur mättjumuš kõʹhtte puõʹtti čâhčča – Vääʹnn mättʼtõõđjin di uʹčteeʹlin

Puõʹtti lookkâmpââʹjest sääʹmvuuʹd škoouʹlʼjemkõõskõõzz nuõrttsääʹmǩiõl da -kulttuur linnj serdd klaassâst prååstas internetta, särnn Sääʹmvuuʹd škoouʹlʼjemkõõskõõzz rehtor Liisa Holmberg. Vääʹnn lij uʹčteeʹlin di mättʼtõõđin še.

Eeʹjj 2013 sääʹmǩiõl da -kulttuur liinjest leʹjje 13 ooccjed.

Sääʹmvuuʹd škoouʹlʼjemkõõskõõzz nuõrttsääʹmǩiõl da -kulttuur linnj serdd klaassâst prååstas internetta puõʹtti lookkâmpââʹjest. Sääʹmvuuʹd škoouʹlʼjemkõõskõõzz rehtor Liisa Holmberg maainsti ääʹššest Yle Sääʹmjânnam vuõigg radiovuõlttõõzzâst 20.5.2015.
Holmbeerg mieʹldd vääʹn lij uʹčteeʹlin di mättʼtõõđin še. Mättʼtõs juätkk kuuitâǥ ougglesmättʼtõõttmõʹšân.
– Mättʼtõs riâššât puõʹtti čõõuč ougglesmättʼtõõttmõʹšân interneeʹtt mieʹldd, rehtor Liisa Holmberg ceälkk.

Pâi kutt ooʒʒi tän eeʹjj nuõrttsääʹmǩiõl škoouʹlʼjumuʹšše

Sääʹmvuuʹd škoouʹlʼjemkõõskõs lij riâššâm eeʹjj piʹštti sääʹmǩiõl da -kulttuur škoouʹlʼjumuužž klassmättʼtõʹšan eeʹjjest 2012 ääʹljeeʹl. Teʹl mättʼtõʹšše leʹjje leämma jiânnai ooʒʒi, joba 32 ooumžed.
Ooʒʒji mieʹrr lij occnam eeʹjjest ekka: eeʹjj 2013 leʹjje 13 ooccjed, 2014 kääuʹc ooccjed da tän eeʹjj pâi kutt ooʒʒi.
Uʹčteeʹl ij leäkku, ko tän räjja mättʼtõõzz jååʹđtam Tiina Sanila-Aikio tuåimm ååʹn sääʹmteeʹǧǧ saaǥǥtuõʹllʼjeejen. Tän diõtt škooul lij mieʹrrääm, što puõʹtti eeʹjj ââʹnet  kõhttpââi âʹlddmättʼtõõzzâst.

Kommentoi

Sähköpostiosoitettasi ei julkaista. Vaadittavissa kentissä merkkinä: *

*
*
WWW-sivut

 
Text background bars
Divider