Header image
Text background bars
log

Eeva Seurujärvi vuäǯǯai cisttmedaal

Dommveäʹǩǩteei Eeva Seurujärvi vuäǯǯai jåhtta Čeʹvetjääuʹrest SUOMEN VALKOISEN RUUSUN RITARIKUNNAN vuõssmõs klaass medaal, koon president leäi ouddam suʹnne rosttovmannu kuuđad peeiʹv eeʹjj 2009. Aanar sosial- da tiõrvâsvuõttluʹvddkååʹdd saaǥǥtuõʹllʼjeei Pekka Pekkala puuʹti tän medaal suʹnne jåhtta, ko tääiʹben leäi saǥǥstõõllâmpodd tiõrvâsvuõttaaʹšši pirr.


Eeva Seurujärvi vuäǯǯai cisttmedaales sosial- da tiõrvâsvuõttluʹvddkååʹdd saaǥǥtuõʹllʼjeei Pekka Pekkala ǩiõđâst.

Eeva Seurujärvi cieʹlǩi, što tät medal lij suʹnne jõnn cistt da son õõmši tõn, ko vuäǯǯai tän aivv takai ooumžen. Son lij leämmaž dommveäʹǩǩteejen täin vuuʹdin eeʹjjin 1982-2009. Mõõnni čõõuč son paaʹʒʒi jeältõʹǩǩe. Son maainast, što son leäi vuõššân pävvren Päärtõõǥǥ škooulâst, leâʹša ko škooul looppteš, son aaʹlji dommveäʹǩǩteejen.

Tõn ääiʹj Päärtõõǥǥâst da tõn pirrõõzzâst leʹjje jiânnai vuäʹmm oummu, kook taarbše vieʹǩǩ dommtuâjain. Tälvva son joođi põõrtin čuõiǥeeʹl leʹbe motorǩeâlkain da ǩeässa motorvõnnsin da aautin. Määʹtǩ leʹjje kuuʹǩǩ, leâʹša ij tõt čuuʹt häittam, ko teʹl vuäǯǯai reâuggad obb peeiʹv õõut oummu põõrtâst. “Jiõm mon nuʹtt tärkka čiâssid laʹsǩǩääm,” ceälkk Eeva. “Tät leäi muʹnne nåkam väimmsõstuâjj da mon čuuʹt tuʹǩǩeem tõʹst.”

“Dommveäʹǩǩteei tuâjj lij mottjam tõin peeiʹvin,” maainast Eeva. “Ânnʼjõžääiʹj ij vuäǯǯ leeʹd ko pâi muäʹdd čiâssâd õõut põõrtâst, de juʹn âlgg ǩiirted nuuʹbb päikka. Teänab ij vuäǯǯ čiistâd põõrt laaǥǥâst šâldda, mäʹhtt mij ouddâl tuejjiim. Ââʹn lij äiʹǧǧ pâi siõmmna veäʹǩǩted oummid. Ouddâl tuâjj leäi kâʹl lossääb, leâʹša mon tuʹǩǩeem, ko ij leämmaž nuʹtt ǩiirâs,” son juätkk. “Mon leʹjjem tääiʹben mââimõs dommveäʹǩǩteei. Ââʹn ko tuâjj lij mottjam, lij reâuggla nõmm še mottjam.”

Eeva jieʹnnǩiõll lij aanarsääʹmǩiõll. Tõn son õõni suu tuâjast vuäʹmm oummuivuiʹm da tõn son lij mättʼtam pääʹrnpääʹrneez še.


Saaʹmi Nueʹtt ääʹjast Eeva leekk tän ciist diõtt da tuäivat suʹnne määŋgid äärmreeʹǧǧes eeʹjjid!

Yksi kommentti

  1. avatar Pauliina
    Julkaistu 7.5.2010 kello 23.43 | Ikilinkki

    Onnittelut Eevalle ansaitusta kunnianosoituksesta! Ja kiitokset Sadulle- saamme lukea uutisia koltaksi!

Kommentoi

Sähköpostiosoitettasi ei julkaista. Vaadittavissa kentissä merkkinä: *

*
*
WWW-sivut

 
Text background bars
Divider